Մարմնամարզական վարժություններ և շարժախաղեր
Նախագծի մասնակիցներ՝ երկարացված օրվա տարատարիք ճամբարականներ
Նպատակը և խնդիրները՝
- Նախապատրաստվել մարզական ստուգատեսին
- Նպաստել արագաշարժության, ճարպկության, ցատկունակության, ուշադրության կենտրոնացման, հավասարակշռության զարգացմանը
- Նպաստել առողջ ապրելապերպի զարգացմանը
- Քայլքի և վազքի կեցվածքի ձևավորում
- Համաձայնեցված շարժումներ և
տարածության զգացողություն:
1 Մարմնամարզական և ակրոբատիկ վարժություններ
Շարվել միասյուն, շարափոխում տողանից շրջանի, շարափոխում միասյունից երկսյունի, աջ դարձ, դարձումներ տեղում, քայլով մարշ, կանգառ, կից քայլերով բացազատվել՝ ձեռքերի լայնությամբ
Քայլք ոտնաթաթերի, կրունկների վրա
Քայլք կիսակքանստած
Նապաստակի ցատկ
Գորտի նման ցատկում ենք կողքից կողք՝ 10 անգամ:
Սարդի նման պառկում ենք ձեռքերի վրա, ոտքերը մեկ ու մեջ բարձրացնում ենք վերև՝ 10 անգամ:
Թեթև վազք
Շնչառական վարժություններ` քայքի ընթացքում
Շրջանաձև ձեռքերի լայնությամբ բացված դիրք
Պարանոցի, ուսագոտու, կոնքի, մեջքի, ծնկների պտույտներ
Նստել հատակին, բացել ոտնաթաթերը, ոտքը կպցնել որովայնին, ճակատին, հասցնել պարանոցին։
Ոտքերը միացրած ձեռքերը հասցնել ոտնաթաթերին, լայն բացել ոտքերը և ձեռքերով հասնել ոտնաթաթերին՝ առանց ծնկները ծալելու՝ աջ, ձախ, մեջտեղ։
2. Շարժախաղեր ( Ազգային խաղեր)
Նպատակը
Շարժախաղերի միջոցով զարգացնում և մշակում ենք շարժողական ընդունակություններ՝ մկանային ուժ, արագաշարժություն, դիմացկունություն, ճկունություն, ճարպկություն, հավասարակշռություն, ցատկունակություն, կոորդինացիա։
Բովանդակությունը
Վազքի ունակության ամրապնդման խաղեր, ցատկերի ունակության ամրապնդման
խաղեր, նետումների ունակության ամրապնդման խաղեր, գնդակ վարելու և
փոխանցելու ունակության ամրապնդման խաղեր, հավասարակշռությունը մշակող
խաղեր:
Խնդիրները
Վազքի, ցատկերի, գնդակի վարումների, փոխանցումների և նետումների
ամրապնդում, փոխօգնության համագործակցության և կողմնորոշման
կարողություններ:
Առաջին մաս՝ նախավարժանք
Շարվել միասյուն, շրջանաձև թեթև վազքով կատարել նախավարժանք , շարվել 4-4, տեղում շարունակել նախավարժանքը: Կատարել կոորդինացիոն վարժություններ՝ ձախ ոտնաթաթը ձախ ձեռքով երևից բռնել ու հնարավորինս բարձրացնել վերև՝ աջ ձեռքը կողք տարածելով, որպեսզի հնարավոր լինի պահպանել հավասարակշռությունը: Կրկնել վարժությունը մի քանի անգամ՝ երկու ոտքից:
Նստել հատակին, տաքացնել ոտնաթաթը՝ մի ձեռքով ներսից վերցնել ոտքը, մյուս ձեռքով պտտել ոտնաթաթը: Ոտքը կպցնել որովայնին, կրծքավանդակին, ճակատին, պարանոցին: Կրկնել վարժությունները աջից և ձախից: Ոտքերը բացել թիթեռ, գլուխը մեկ հաշվին կպցնել ոտքերին, երկու հաշվին ուղղել մեջքը:
Տաքացնել մկանները՝ վերևից ներքև կամ ներքևից վերև
Երկրորդ մաս՝ բուն պարապմունք
Ուժային վարժություններ
Ձեռքերի վրա հենված դիրքից, դեմ դիմաց, զույգերով, խաչաձև միմյանց ձեռքին հարվածելով՝ կատարել Hi five! Վարժությունը կատարել տաս անգամ:
Նույն վարժությունը կատարել նաև արմունկներին հենված դիրքից:
Ձեռքերը հատակին պառկել որովայնի վրա: Մեկ հաշվին որովայնը կտրուկ բարձրացնել վերև՝ մարմնի ծանրությունը ձեռքերով պահելով, երկու հաշվին պառկել հատակին: Վարժությունը կրկնել տաս անգամ:
Դեմ դիմաց պառկել որովայնի վրա, ձեռքերով զույգի ձեռքերը բռնած համաչափ պտտվել:
Փորձել պտտվել՝ սպիրալաձև: Պտտել մարմնի ստորին հատվածները մինչև վերջ, հետո պտտել վերին հատվածները, այնուհետև հակառակը: Կարծես թե ողնաշարը ոլորում ենք:
Շվեդական պատից կախվել, կատարել որովայնի մկանների ձգումներ՝ ոտքերը միացված հասցնելով որովայնին: Պառկել շվեդական պատի մոտ, ոտքերը դնել երկրորդ աստիճանին ՝ կիսածալած, ձեռքերը՝ պարանոցին և կատարել կարճ որովային ձգումներ: Վարժությունը կատարել 10-15 անգամ: Վարժությունը կարելի է կատարել նաև՝ մարզական նստարանի վրա ոտքերը դնելով:
Նախավարժանքները՝ Հայկուհի Հովհաննիսյանի բլոգից
Գայանե Ավետիսյան 